भुसावळ : प्रतिनिधी
शहरातील नाहाटा चौफुली परिसरात हातात सुरा घेवून दहशत माजवणाऱ्या एकावर भुसावळ बाजारपेठ पोलीसांनी ६ मे रोजी रात्री ११.३० वाजता कारवाई केली. याप्रकरणी ७ मे रोजी भुसावळ बाजारपेठ पोलीस ठाण्यात गुन्हा दाखल करण्यात आला आहे.
सविस्तर वृत्त असे कि, शहरातील नाहाटा चौक परिसरात संशयित आरोपी आनंद विजय सारवान (वय २०, रा. अकलुद, ता. यावल) हा हातात लोखंडी सुरा घेवून दहशत माजवत असल्याची गोपनिय माहिती भुसावळ बाजारपेठ पोलीस ठाण्याचे पोलीस निरीक्षक गजानन पडघन यांना मिळाली होती. त्यानुसार त्यांनी पथकाला कारवाईच्या सूचना दिल्या. बाजारपेठ पोलीसांनी ६ मे रोजी रात्री ११.३० वाजता कारवाई करत संशयित आनंद विजय सारवान याच्याकडून सुरा हस्तगत करून त्यास ताब्यात घेतले. याप्रकरणी ७ मे रोजी मध्यरात्री १ वाजता पोलीस कॉन्स्टेबल अमर आढाळे यांच्या फिर्यादीवरून आनंद सारवान याच्याविरोधात गुन्हा दाखल करण्यात आला आहे.
