जळगाव : प्रतिनिधी
रस्त्याच्या परिस्थिीतीकडे दुर्लक्ष करीत भरधाव वेगाने जाणाऱ्या वाहनाने दोघांना जोरदार धडक दिली. या अपघातात तेजनारायण सिंग व आरिफ अन्सारी हे दोघे जखमी झाले. ही घटना दि. ७ रोजी दुपारी नशिराबादजवळील महामार्गावरील उड्डाणपुलावर घडली. याप्रकरणी दोघांविरुद्ध नशिराबाद पोलिसात गुन्हा दाखल करण्यात आला आहे.
सविस्तर वृत्त असे कि, नांदेड येथील बाफना बिज जवळ तेजनारायण सिंग हे वास्तव्यास असून ते चालक म्हणून नोकरी करतात. दि. ७ मे रोजी दुपारी चार वाजेच्या सुमारास ते आरिफ अन्सारी यांच्यासोबत (एमएच २०, जीबी ०५८१) क्रमांकाच्या वाहनाने जळगावकडून भुसावळकडे जात होते. यावेळी नशिराबाद उड्डाणपुलावर मागून भरधाव वेगाने येणाऱ्या वाहनाने समोर चालणाऱ्या वाहनाला धडक दिली. या अपघातात तेजनारायण सिंग व आरिफ अन्सारी हे दोघ गंभीर जखमी झाले. दरम्यान, त्यांनी नशिराबाद पोलीस ठाण्यात तक्रार दिली असून त्यानुसार दोघांविरुद्ध गुन्हा दाखल करण्यात आला आहे पढील तपास पोहेकॉ योगेश वराडे हे करीत आहे.
