जळगाव : प्रतिनिधी
तालुक्यातील मन्यारखेडा शिवारातील साईनगरात राहणाऱ्या ममता रतिलाल राठोड (वय ३०) या विवाहितेने राहत्या घरात गळफास घेऊन आत्महत्या केल्याची घटना गुरुवारी रात्री १० वाजेच्या सुमारास घडली आहे. याप्रकरणी नशिराबाद पोलिस ठाण्यात शुक्रवारी अकस्मात मृत्यूची नोंद करण्यात आली आहे. दरम्यान, ही आत्महत्या नसून तिच्या पतीने मारहाण करून तिला गळफास दिल्याचा आरोप विवाहितेच्या माहेरच्या मंडळींनी केला आहे.
सविस्तर वृत्त असे कि, ममता राठोड ही विवाहिता पती रतिलाल भोजू राठोड आणि एक मुलगा आणि मुलगी यांच्यासोबत वास्तव्याला होती. मोलमजुरी करून त्या आपल्या कुटुंबाचा उदरनिर्वाह करत होत्या. दरम्यान, गुरुवारी रात्री १० वाजता राहत्या घरात ममता यांनी साडीने गळफास घेऊन आत्महत्या केली. हा प्रकार लक्षात आल्यानंतर शेजारी राहणाऱ्या नातेवाईकांनी धाव घेत मृतदेह खाली उतरवून शासकीय वैद्यकीय महाविद्यालयात दाखल केले असता वैद्यकीय अधिकारी डॉ. सुशांत निकुंभ यांनी मयत घोषित केले.
