भुसावळ : प्रतिनिधी
तालुक्यातील निंभोरा येथील हॉटेल त्रिमूर्ती येथे जेवण आणि दारूचे बिल मागण्याच्या कारणावरून एकाने हॉटेल व्यवस्थापकाला मारहाण केली. यावेळी धारदार वस्तूने वार ही केला. ही घटना बुधवारी (दि. २७) रात्री ८ वाजता घडली. याप्रकरणी गुरूवार २८ रोजी मध्यरात्री भुसावळ तालुका पोलिस ठाण्यात एकावर गुन्हा दाखल करण्यात आला आहे.
मिळालेल्या माहितीनुसार, निंभोरा येथे हॉटेलवर राजकुमार रवींद्र खरात (रा. समतानगर, भुसावळ) हा त्याच्या मित्रांसोबत आला होता. जेवण झाल्यानंतर दारूचे पैसे न देता काऊंटरवर बिल फेकून दिले. यावेळी मॅनेजर धरमदास जीवनलाल चौधरी (रा. साकरी फाटा वरणगाव रोड, भुसावळ) यांनी अडविण्याचा प्रयत्न केला असता त्यांना शिवीगाळ करत मारहाण केली आणि काहीतरी धारदार वस्तूने वार करून दुखापत केली. याप्रकरणी भुसावळ तालुका पोलिस ठाण्यात तक्रार दिली आहे. त्यानुसार गुरूवार २८ मार्च रोजी रात्री १२.३० वाजता आरोपी राजकुमार रवींद्र खरात याच्या विरोधात गुन्हा दाखल करण्यात आला आहे. पुढील तपास पोहेकों योगेश पालवे हे करीत आहे
