पुणे : वृत्तसंस्था
पुण्यातून पर्दाफाश झालेल्या आंतरराष्ट्रीय ड्रग्ज प्रकरणात महिन्याभरापासून फरार असलेला आरोपी आईला भेटण्यासाठी पुण्यात आला अन् पोलिसांच्या जाळ्यात सापडला. आरोपीला गुन्हे शाखेने अटक केली असून, त्याच्याकडून १० लाखांचे ५१ ग्रॅम मेफेड्रोन जप्त करण्यात आले आहे.
सविस्तर वृत्त असे कि, शोएब सईद शेख (रा. कोंढवा) असे अटक करण्यात आलेल्या आरोपीचे नाव आहे. तो गेल्या एक महिन्यापासून फरार होता. चौकशीत तो फरार काळात जळगाव, पंढरपूर, शिर्डी अशा ठिकाणी फिरत असल्याचे समोर आले आहे. दरम्यान, तो हैदर शेख याच्यासोबत माल पुरवणे आणि गोडाउनमध्ये ठेवणे तेथून पुढे पाठवणे असे काम करत होता. न्यायालयाने आरोपीला २७ मार्चपर्यंत पोलिस कोठडी दिली आहे.
