भुसावळ : प्रतिनिधी
शहरातील दोघांना पोलिस दलात नोकरी लावून देण्याच्या आमिषाने १४ लाखांचा गंडा घालण्यात आला. याप्रकरणी भुसावळ शहर पोलिसात मुंबईतील तिघांविरोधात गुन्हा दाखल करण्यात आला.
मिळालेल्या माहितीनुसार, विजय नारायण सोनवणे (३५, आरपीएफ बॅरेक, द्वारकानगर, भुसावळ) यांच्या तक्रारीनुसार, २०२२ ते १४ जून २०२२ दरम्यान संशयितांची ओळख झाल्यानंतर त्यांनी पोलिस खात्यात नोकरी लावून देतो, असे आमिष दाखवून सोनवणे यांची सहा लाखांत, तर साक्षीदार आकाश प्रकाश भालेराव यांची आठ लाख रुपयांत फसवणूक केली. रक्कम देऊनही नोकरी न लागल्याने फसवणूक झाल्याची खात्री होताच संशयितांविरोधात तक्रार नोंदविण्यात आली. याप्रकरणी राघवेंद्र महादेव पाटील व गौरी राघवेंद्र पाटील (मुंबई टिटवाळा, कल्याण) व अनिल सपकाळ (खडकपाळा, कल्याण) यांच्याविरोधात शहर पोलिसात गुन्हा दखल करण्यात आला आहे
