भुसावळ : प्रतिनिधी
तालुक्यातील सुनसगाव येथे एका दिवसाचे स्त्री जातीचे मृत अर्भक उकीरड्यावर फेकल्याचा धक्कादायक प्रकार उघडकीस आला आहे. पोलिसांनी मृत अर्भकाला ताब्यात घेत तपास सुरू केला. दरम्यान चाळीस वर्षीय विधवा महिलेने हा प्रकार केल्याची बाब तपासात निष्पन्न झाली होती. याप्रकरणी पोलिसांच्या फिर्यादीवरून सुनसगावातील एका महिलेविरोधात गुन्हा दाखल करण्यात आला आहे.
मिळालेल्या माहितीनुसार, भुसावळ तालुक्यातील सुनसगाव येथील चाळीस वर्षीय विधवा महिलेने अनैतिक संबंधातून जन्मलेले स्त्री जातीचे अर्भक उकीरड्यावर टाकून दिले. गुरुवार दि. १४ मार्च रोजी दुपारी सव्वादोन वाजेच्या सुमारास हा प्रकार मार्च रोजी दुपारी सव्वादोन घडला. याप्रकारानंतर गावात मोठी खळबळ उडाली. भुसावळ तालुका पोलिसांनी मृत अर्भकाला ताब्यात घेत तपास सुरू केल्यानंतर त्या महिलेचे नाव समोर आल्यानंतर महिलेची चौकशी केल्यानंतर तिने अनैतिक संबंधातून बाळ जन्मल्याची कबुली देत उकीरड्यावर बाळ फेकल्याची कबुली दिली. याप्रकरणी हवालदार दीपक जाधव यांच्या फिर्यादीवरून विधवा महिलेविरोधात गुन्हा दाखल करण्यात आला. तपास सहाय्यक निरीक्षक विशाल पाटील करीत आहेत.
