भुसावळ : प्रतिनिधी
तालुक्यातील वरणगाव येथे मीटर बसविण्यासाठी दोन हजार रुपयांची लाच मागितल्याप्रकरणी वायरमन अमीन शहा (वय २९, रा. वरणगाव) याच्यावर गुन्हा दाखल करण्यात आला आहे. या प्रकरणात पोलिसांनी संशयित आरोपी वायरमन शहा याला ताब्यात घेतले आहे.
मिळालेल्या माहितीनुसार, तक्रारदाराच्या घरात नवीन वीज मीटर बसविण्यासाठी वरणगाव कार्यालयात ऑनलाइन अर्ज केला होता. डिमांड नोट भरली, तरीही वीज मीटर बसविण्यासाठी दोन हजार रुपयांची मागणी केली. मंगळवारी एक हजार रुपयांवर तडजोड केली. या लाचेची रक्कम स्विकारत असताना वायरमनला संशय आला आणि त्याने तक्रारदारच्या गळ्यातील व्हाइस रेकॉर्डर हिसकावून घेतला आणि शासकीय मालमत्तेचे नुकसान केले. या प्रकरणी वायरमन याला ताब्यात घेतले आहे. त्याच्याविरोधात गुन्हा दाखल करण्यात आला.
