जळगाव : प्रतिनिधी
जळगाव जिल्ह्यातील अनेक ठिकाणी छोटे मोठे अपघाताची मालिका सुरु असतांना दि.६ मार्च रोजी जळगावकडून शिरसोलीकडे जात असलेल्या दुचाकीला समोरून भरधाव वेगाने आलेल्या दुचाकीने धडक दिल्याने चंद्रकांत शंकर बोरनारे (४९, रा. रामेश्वर कॉलनी) हे जखमी झाले, ही घटना ६ मार्च रोजी रात्री बारा वाजेच्या सुमारास रायसोनी महाविद्यालयासमोर घडली. याप्रकरणी धडक देणाऱ्या दुचाकीस्वाराविरुद्ध गुन्हा दाखल करण्यात आला आहे.
मिळालेल्या माहितीनुसार, रामेश्वर कॉलनीतील रहिवासी असलेले चंद्रकांत बोरनारे हे ६ मार्च रोजी रात्री बारा वाजेच्या दुचाकीने (एमएच १९-डीपी ५४२९) जळगावकडून शिरसोलीकडे जात होते. रायसोनी महाविद्यालयासमोर समोरून येणाऱ्या भरधाव दुचाकीने (एमएच १९-बीवाय २७२०) बोरनारे यांच्या दुचाकीला जोरदार धडक दिली. यात बोरनारे हे गंभीर जखमी झाले. याप्रकरणी त्यांनी एमआयडीसी पोलिस ठाण्यात फिर्याद दिली. त्यावरून धड़क देणाऱ्या दुचाकीस्वाराविरुद्ध गुन्हा दाखल करण्यात आला आहे. पुढील तपास पोहेकों समाधान टहाळके करीत आहेत.
