फैजपूर : प्रतिनिधी
यावल तालुक्यातील पाडळसे येथील कोसगाव रस्त्यावर तलवार घेऊन आरडाओरड करीत दहशत माजविणाऱ्या पाडळसा येथील प्रवीण उर्फ डॉन गोपाळ तायडे (२८) यास फैजपूर पोलिसांनी अटक केली आहे. त्याच्याकडून तलवार जप्त करण्यात आली आहे.
मिळालेल्या माहितीनुसार, मंगळवारी प्रवीण तायडे हा कोसगाव रस्त्यावर तलवार घेऊन दहशत माजवत होता. सपोनि नीलेश वाघ, फौजदार विनोद गाभणे, मोहन लोखंडे, विकास सोनवणे, मोती पवार, बाळू भोई, राहुल महाजन, अरुण नमाईते यांच्या पथकाने त्याला ताब्यात घेतले. याप्रकरणी फैजपूर पोलिसात गुन्हा दाखल करण्यात आला आहे.
