भुसावळ : प्रतिनिधी
शहरातील १७ वर्षीय मुलीचा विनयभंग केल्याची घटना घडली. याबाबत तीन जणांविरुद्ध गुन्हा दाखल करण्यात आला आहे. दोन जणांना अटक करण्यात आली आहे. ही घटना २८ फेब्रुवारी रोजी रात्री घडली होती.
मिळालेल्या माहितीनुसार, ही मुलगी आणि तिची आई त्यांच्या झोपडीत असताना तीन जण आत शिरले आणि त्यांनी या मुलीच्या आईस मारहाण केली. याचवेळी या मुलीचे दोन भाऊही आले. त्यावेळी मुलगी आणि तिच्या दोन भावांनाही मारहाण करीत मुलीचा विनयभंग केला, याप्रकरणी अल्पवयीन मुलीच्या फिर्यादीवरून बाजारपेठ पोलिस ठाण्यात तीन जणांविरुद्ध गुन्हा दाखल करण्यात आला. यातील दोन जणांना अटक करण्यात आली आहे. तिसरा अल्पवयीन आहे, पुढील तपास पोलिस निरीक्षक गजानन पडघन यांच्या मार्गदर्शनाखाली पोलिस उपनिरीक्षक राजेंद्र सांगळे करीत आहेत.
