जळगाव : प्रतिनिधी
तालुक्यातील एका गावात महिलेच्या घरासमोर संशयित गोकुळ बाबुराव लोहार (रा. ममुराबाद) याने महिलेच्या पतीला बघून त्यांना अश्लिल शिवीगाळ केली. ही घटना दि. २९ रोजी सकाळच्या सुमारास घडली. याप्रकरणी महिलेच्या तक्रारीवरुन विनयभंगाचा गुन्हा दाखल करण्यात आला आहे.
मिळालेल्या माहितीनुसार, तालुक्यातील एका गावात महिला आपल्या कुटुंबियांसह वास्तव्यास आहे. महिला या त्यांच्या घरासमोर उभ्या असतांना गोकुळ बाबुराव लोहार (रा. ममुराबाद, ता. जळगाव) या संशयिताने महिलेच्या पतीला बघुन त्यांना शिवीगाळ करण्यास सुरुवात केली. यावेळी त्याने महिलेला देखील अश्लिल शिवीगाळ करीत त्यांच्या विनयभंग केला. दरम्यान, महिलेने तात्काळ तालुका पोलिसात तक्रार दिली. त्यानुसार विनयभंगाचा गुन्हा दाखल करण्यात आला आहे. पुढील तपास पोलीस नाईक नरेंद्र पाटील हे करीत आहे.
