पाचोरा : प्रतिनिधी
लग्न समारंभात महिलेची पर्स व कपड्याची बॅग चोरट्यांनी लांबविल्याची घटना शहरातील जारगाव चौफुलीवरील रामदेवबाबा मंगल कार्यालयात घडली.
मिळालेल्या माहितीनुसार, दि. १७ फेब्रुवारी रोजी भाचीच्या लग्नाला आलेल्या सुशांत वाल्मिक पाटील (एकविरा नगर, भडगाव) हे पत्नीसह कार्यालयात वधूच्या स्वतंत्र खोलीत बॅगा ठेवून कार्याचा आंनद घेत होते. वधूच्या बिदाईसाठी तयारी करण्यात मग्न असलेल्या मामीच्या ठेवलेल्या बॅग व पर्सवर पाळत ठेवत चोरट्यांनी पर्स व कपड्याची बॅग लंपास केली. पर्समधील मंगळसूत्र व इतर सोन्याचे दागिने, ५ साड्या असे २० रोख रक्कम एकूण ७३ हजारच्या ६३ हजार किमतीचे दागिने व १० हजार ऐवजाची चोरी झाली आहे. सीसीटीव्ही तपासणी केली असता २ युवक रेकी करून बॅग व पर्स चोरताना दिसत आहे. या घटनेनंतर सुशांत दुसऱ्या लग्नासाठी गेले होते. त्यामुळे सोमवारी पाचोरा पोलिसात उशिरा अज्ञात चोरट्यांविरुद्ध गुन्हा दाखल झाला आहे. अधिक तपास पोलिस करत आहेत.
