धरणगाव : प्रतिनिधी
तालुक्यातील मुसळी फाटा जवळील पुलावर जळगावकडून येणारा ट्रक क्रमांक एम. एच.४० वाय १३०८ व एरंडोलकडून येणारा कंटेनरची समोरासमोर धडक झाल्याची घटना दुपारी १ वाजेच्या सुमारास घडली. या घटनेत दोन्ही वाहनांचे चालक गंभीर जखमी झाले असून त्यांना नागरिकांनी कॅबिनचा पत्रा तोडून बाहेर काढण्यात आले होते.
मिळालेल्या माहितीनुसार, एरंडोल कडून येतांना डाव्याबाजूला रस्त्याचे काम सुरु होते त्यामुळे उजव्या बाजूने येणारे व जाणारे दोन्ही कडचे वाहने जात असतांना दोन्ही गाड्या एकमेकांवर धडकल्यामुळे हा अपघात झाला होता. दरम्यान अपघात झाल्याचे लक्षात येताच काही नागरिकांनी अपघातस्थळी धाव घेत दोन्ही वाहनांच्या चालकांना बाहे काढून रुग्णवाहिकेला पाचारण करून उपचारासाठी जळगाव येथे हलविले असून पाळधी पोलिीसांना देखील माहिती दिली. त्यामुळे पाळधी पोलीस स्टेशनच्या पोलिसांनी घटनास्थळील धाव घेतली होती. यावेळी राजू गंगाराम पाटील, सोनू पाटील, मोतीलाल पाटील, सुखराम पाटील, योगेश नाना वाढले, युवराज पाटील यांनी मदत कार्य केले.
