जळगाव : प्रतिनिधी
जळगाव – शिरसोली रस्त्यावरील एका मॉलमध्ये ग्राहकांमध्ये छेडखानीच्या संशयावरून झालेल्या वादातून, मॉलवर एका गटाकडून दगडफेक झाल्याची घटना बुधवारी संध्या. ७.३० वाजेच्या सुमारास घडली, या वादामुळे शिरसोली रस्त्यालगत काही काळ तणाव निर्माण झाला होता. रामानंदनगर पोलिस ठाण्यात परस्परांच्या विरोधात गुन्हा दाखल करण्यात आला आहे.
मिळालेल्या माहितीनुसार, दि.२४ रोजी संध्या. ७.१५ वाजता एका मॉलमध्ये एक शासकीय कर्मचारी पत्नी व मुलीसोबत खरेदी करत असताना, त्याच वेळी काही मुली आपल्या आईसोबत खरेदी करत होत्या. समोरच्या ग्राहकाने मुलीकडे पाहिले या संशयावरून संबधित मुलीने त्या पुरुष ग्राहकाला विचारणा केली. त्यातून वाद व दगडफेक झाली. या घटनेत एक पोलिस जखमी झाला.
