पारोळा : प्रतिनिधी
तालुक्यातील कन्हेरे येथील २२ वर्षीय तरुण काही दिवसांपूर्वी घरातून बेपत्ता झाला होता. सोमवारी कन्हेरे शिवारातील एका विहिरीत पडून त्याचा मृत्यू झाल्याची घटना उघडकीस आली.
मिळालेल्या माहितीनुसार, अमोल मधुकर पाटील हा दि. १३ जानेवारी रोजी घरी कोणालाच काही न सांगता निघून गेला होता. याआधीही तो दोन ते तीन वेळेस असाच घरातून बेपत्ता झाला होता. परंतु, तो प्रत्येकवेळी घरी परतत असे. मात्र, यावेळेस तो घरी आलाच नाही. सोमवारी दुपारी ३:१५ वाजेच्या सुमारास गावातील नामदेव महारू पाटील यांच्या शेतात असलेल्या विहिरीमध्ये त्याचा मृतदेह तरंगत असल्याचे दिसून आल्याने गावकऱ्यांनी मृतदेह बाहेर काढला. याबाबत मनोज पाटील यांनी पोलिसात खबर दिली.
