भुसावळ : प्रतिनिधी
शहरात पोलिसावर चाकूहल्ला करणा-या संशयित आरोपीने रेल्वेखाली आत्महत्या केल्याची घटना भुसावळात सोमवारी सकाळी सुनील मैलेलू उघडकीस आली. सुनील व्यंकय्या मैलेलू (२२) असे आत्महत्या केलेल्या तरुणाचे नाव आहे.
मिळालेल्या माहितीनुसार, भुसावळातील गडकरी नगराजवळील शिवदत्त नगर परिसरात रविवारी दुपारी कौटुंबिक वादानंतर मुलाकडून आई- वडिलांना ठार मारण्याची धमकी मिळाल्यानंतर त्रस्त पित्याने ११२ हेल्पलाइन क्रमांकावर संपर्क साधून मदतीची मागणी केली होती. यानंतर मदतीसाठी गेलेले बाजारपेठ पोलिस ठाण्याचे कर्मचारी अक्षय चव्हाण (३३) यांच्यावर संशयित तरुणाने चाकूने हल्ला केला होता. यानंतर संशयित आरोपी पसार झाला होता. सोमवारी त्याचा मृतदेह रेल्वे मार्गाजवळ आढळून आला. याबाबत पोलिसात अकस्मात मृत्यूची नोंद करण्यात आली आहे.
