भुसावळ : प्रतिनिधी
शहरातील गडकरी नगराजवळील शिवदत्त नगर परिसरात रविवारी दुपारी तीन वाजेच्या सुमारास बाप-लेकामधील भांडण सोडविणे एका पोलिस कर्मचाऱ्याला चांगलेच महागात पडले आहे. भांडण सोडवण्यासाठी मध्यस्थी करणाऱ्या पोलिसावरच मुलाने चाकूहल्ला केला.
मिळालेल्या माहितीनुसार, या हल्ल्यात बाजारपेठ पोलिस ठाण्यातील पोलिस कर्मचारी अक्षय चव्हाण हे जखमी झाले आहेत. कौटंबिक वादानंतर मलाकडन त्रास होत असल्याने त्रस्त पित्याने ११२ हेल्पलाइन क्रमांकावर संपर्क साधत मदतीची मागणी केली होती. यावर बाजारपेठ पोलिस ठाण्याचे हवालदार अक्षय चव्हाण हे मदतीसाठी पोहचले. संशयित मुलाला समज देत असतानाच त्याने स्वयंपाक घरातील चाकूने हल्ला चढवत अक्षय चव्हाण यांना जखमी केले. या घटनेनंतर संशयित पसार झाला. चव्हाण यांच्यावर स्थानिक रुग्णालयात उपचार करण्यात आले. संशयिताचा शोध घेतला जात असल्याचे बाजारपेठ पोलिस निरीक्षक बबन आव्हाड यांनी सांगितले
