नागपूर : वृत्तसंस्था
इन्स्टाग्रामवर मैत्री केल्यानंतर लग्नाचे आमिष दाखवून एका २५ वर्षीय युवतीशी शारीरिक संबंध प्रस्थापित करून तिचे सर्वस्व लुटणाऱ्या आरोपीविरुद्ध बजाजनगर पोलिसांनी गुन्हा दाखल केला आहे.
मिळालेल्या माहितीनुसार, नागपूर येथील बजाज नगरातील अमित सुनील मालेवार (वय २९) असे प्रियकराचे नाव असून हे दोघेही खासगी नोकरी करतात. इन्स्टाग्रामवर चॅटिंग करताना ते एकमेकांच्या प्रेमात पडले. त्यांच्या भेटीगाठी वाढल्या. त्यानंतर आरोपीने तिला लग्नाचे आमिष दाखवून बजाजनगर येथील आपल्या भाड्याच्या खोलीत नेऊन तिच्या इच्छेविरुद्ध तिच्याशी शारीरिक संबंध प्रस्थापित केले. युवतीने लग्नाचा हट्ट धरल्यानंतर त्याने नकार दिला. आपली फसवणूक झाल्याचे लक्षात येताच युवतीने बजाजनगर पोलिसांत तक्रार दाखल केली.
