जळगाव : प्रतिनिधी
शहरातील हरिविठ्ठल नगरातील एक ३८ वर्षीय मजूर आठवडाभर काम केल्यानंतर मजूरीचे पैसे घेण्यासाठी जातांना रेल्वे रुळ ओलांडतांना रेल्वेची धडक लागून रवींद्र अशोक मिस्तरी (शिरसाठ) (वय ३८) यांचा मृत्यू झाला. ही घटना रविवारी सकाळी ८ वाजेच्या सुमारास हरिविठ्ठल नगर परिसरातील रेल्वे रुळावर घडली. याप्रकरणी रामानंद नगर पोलीस ठाण्यात अकस्मात मृत्यूची नोंद करण्यात आली आहे.
मिळालेल्या माहितीनुसार, जळगाव शहरातील हरिविठ्ठल नगरात रविंद्र मिस्तरी हे कुटुंबियांसह वास्तव्यास असून ते इमारतींना रंग देण्याचे काम करुन कुटुंबाचा उदनिर्वाह करीत होते. आठवडाभर काम केल्यानंतर त्याचा मोबदला घेण्यासाठी ते हरिविठ्ठल नगरातून खंडेराव नगरकडे जात होते. त्या वेळी विश्वकर्मा मंदिरानजीक रेल्वे रुळ ओलांडतांना रविंद्र मिस्तरी यांना धावत्या रेल्वेची धडक बसली. त्यात ते जागीच ठार झाले. घटनेची माहिती मिळाल्यानंतर परिसरातील नागरिकांनी त्याठिकाणी धाव घेत घटनेची माहिती पोलिसांना दिली. त्यानुसार पोलिसांनी घटनास्थळी येवून पंचनामा केला. त्यानंतर लक्षात आले. त्यांनी घटनेची माहिती लागलीच रामानंद नगर पोलिसांना दिली. त्यानुसार पोलिसांनी घटनास्थळी जावून पंचनामा केला. त्यानंतर संजय आफ्रे यांनी दिलेल्या तक्रारीवरुन अज्ञात चोरट्यांविरुद्ध गुन्हा दाखल करण्यात आला आहे.
