जळगाव : प्रतिनधी
भरधाव वेगाने जाणाऱ्या ट्रकने दुचाकीला धडक दिल्यामुळे दुचाकीस्वार ट्रकखाली सापडला. यामध्ये दुचाकीस्वाराचा पाय शरीरापासून वेगळा झाला. अपघातानंतर ट्रकखाली दुचाकीस्वार अडकून पडला होता. हा अपघात रात्री बारा वाजेच्या सुमारास सेंट तेरेसा स्कूल जवळ झाला.
मिळालेल्या माहितीनुसार, दुचाकी (क्र. एमएच १९, डीएल ३०८८) ट्रक (क्र. एमएच १९, झेड ४६५०) च्या टायरखाली येऊन दुचाकीस्वाराचा पाय शरीरापासून वेगळा झाला. यात दुचाकीस्वार बेशुद्ध झाल्याने त्याचे नाव समजू शकले नाही. ट्रक चालक पसार झाला.
