छत्रपती संभाजीनगर : वृत्तसंस्था
राज्यातील काही रस्त्यावर गेल्या काही दिवसांपासून अपघातांची मालिकाच सुरू असून नुकतेच लातुरमधील तुळजापूर- औसा महामार्गावर शुक्रवारी भीषण अपघात झाला. यामध्ये ४ जण जागीच ठार झाले. ही घटना ताजी असतानाच छत्रपती संभाजीनगरमधून एक भीषण अपघाताची बातमी समोर आली आहे. श्री घृष्णेश्वर मंदिराजवळ हा अपघात झाला असून यामध्ये ६ वाहनांचा चुराडा झालाय.
छत्रपती संभाजीनगरमधून एक भीषण अपघाताची बातमी समोर आली आहे. शनिवारी पहाटे वेरूळ घृष्णेश्वर मंदिर ते खुलताबाद जाणाऱ्या रोडवर घृष्णेश्वर मंदिराच्या पायथ्याशी २ ट्रकचा समोरासमोर अपघात झाला. पहाटेच्या दर्शनासाठी आलेल्या भाविकांच्या रस्त्यालगत असलेल्या उभ्या गाड्यांवर दोन्ही ट्रक पलटी झाले. या दुर्घटनेत तब्बल 6 गाड्यांचा चक्काचूर झाला आहे.
अपघातात दोन्ही गाड्यांमधील काही भाविकही गंभीर जखमी असल्याचे सांगण्यात येत आहे. दुर्घटनेतील जखमींना पुढील उपचारासाठी दवाखान्यात पाठवण्यात आले आहे. गेल्या काही दिवसापासून या मार्गावरची जड वाहतूक ही बंद करण्यात आली होती. मात्र बंदी असतानाही जड वाहनांच्या वाहतुकीमुळे हा अपघात झाल्याचे दिसून येत आहे.
