भुसावळ : प्रतिनिधी
शहरातील एका भागातील अल्पवयीन तरुणीवर अत्याचार करण्यात आला. यानंतर पुन्हा संबंध ठेवू देण्यास नकार देण्यात आल्याने फोटो, व्हिडीओ व्हायरल करण्याची धमकी देण्यात आली. याप्रकरणी या १७ वर्षीय पीडितेने भुसावळ शहर पोलिसात तक्रार दिल्यावरून आरोपीविरोधात गुन्हा दाखल करण्यात आला.
मिळालेल्या माहितीनुसार, भुसावळ शहरातील एका भागातील अल्पवयीन तरुणीचे एका तरुणासोबत प्रेमसंबंध जुळल्यानंतर सन २०१७ ते नोव्हेंबर २०२३ दरम्यान शहरातील एका भागात निर्जनस्थळी अत्याचार करण्यात आला व पुन्हा शरीरसंबंध ठेवण्याची मागणी केल्यानंतर तरुणीने नकार दिल्याने आरोपीने सोशल मीडियावर फोटो व व्हिडीओ व्हायरल करण्याची धमकी दिली वारंवार धमकी देत असल्याने या तरुणीला त्रास असह्य झाला व शेवटी तिने घडलेल्या प्रकाराबाबत घरच्यांना माहिती सांगितली.
कुटुंबीयांनी तिला सावरत धीर दिल्यानवर पीडितेने शहर पोलिस स्टेशन गाठले व फिर्याद दिली. या फियर्यादीवरुन आरोपी तरुणाविरुद्ध गुन्हा दाखल करण्यात आला. तपास सहायक निरीक्षक नीलेश गायकवाड करीत आहे.
