जळगाव : प्रतिनिधी
एका ५२ वर्षीय प्रौधास जुन्या भांडणाच्या कारणावरून चार जणांनी मारहाण करीत जिवंत सोडू नका, अशी दमदाटी केली. या प्रकरणी तालुका पोलिस ठाण्यात चौघांविरुद्ध गुन्हा दाखल करण्यात आला आहे.
मिळालेल्य माहितीनुसार, जळगाव तालुक्यातील फेसर्डी येथे नगीन भिमराव पाटील (वय ५२) हे वास्तव्यास आहे. त्यांचे गावातील चार जणांमध्ये जुने भांडण आहे. या जुन्या भांडणाची कुरापत काढत चौघांनी पाटील यांना शिवीगाळ करीत मारहाण केली. याला जिवंत सोडू नका, असे म्हणत दमदाटीही केली. या प्रकरणी पाटील यांनी तालुका पोलिस ठाण्यात फिर्याद दिली. त्यावरून मारहाण करणाऱ्या चौघांविरुद्ध गुन्हा दाखल करण्यात आला आहे. पुढील तपास पोहेकॉ संदीप पाटील करीत आहेत.
