मुंबई मधून एक धक्कादायक बातमी समोर येतेय. अभ्यासाच्या तणावातून बारावीच्या एका विद्यार्थिनीने १४ व्या मजल्यावरून उडी मारून आत्महत्या केल्याची घटना घडली आहे. कृतिका चव्हाण असे आत्महत्या केलेल्या विद्यार्थिनीचे नाव आहे.
याबाबत सविस्तर माहिती अशी कि, हि विद्यार्थिनी बारावी मध्ये शिकत होती सोबतच हि विद्यार्थिनी नीट प्रवेश परीक्षेची तयारी करत होती. गुरुवारी दुपारच्या सुमारास हि विद्यार्थिनी आपल्या खोलीत होती तसेच तिची आई घरकामात व्यस्त होती. तेव्हाच ह्या विद्यार्थिनीने आपल्या खोलीच्या बाल्कनी मधून खाली उडी मारली. यादरम्यान मोठा आवाज झाल्याने विद्यार्थिनीच्या आईने तिच्या खोलीत जाऊन पहिले तेव्हा हि विद्यार्थिनी खाली पडल्याचे दिसून आले.
या घटनेची माहिती मिळाल्यावर पोलिसांनी घटनास्थळी धाव घेतली असून अभ्यासाच्या तणावातून आत्महत्या केल्याचे समोर आले. या प्रकरणाचा पुढील तपास पोलिस करत आहेत.
