जामनेर : वृत्तसंस्था
जळगाव जिह्यातील अनेक महामार्गावर अपघाताची मालिका सुरु असतांना नुकतेच जामनेर-फत्तेपूर मार्गावर लोणी मदणी या गावादरम्यान दुचाकी व इको गाडी यांची समोरासमोर धडक झाली. त्यात सौरव कोळी दुचाकीवरील दोघे तरुण ठार झाले. हा अपघात बुधवारी सकाळी ११ वाजेच्या सुमारास घडला.
मिळालेल्या माहितीनुसार, त्यातील दुचाकी चालक सौरव कैलास कोळी (२५, कोदोली, ता. जामनेर) हा जागेवरच तर मागे बसलेला शुभम जाधव (२७, शिंगाईत, जामनेर) याचे जळगाव येथे उपचारदरम्यान निधन झाले. या अपघातात इको गाडीचालक संतोष कोळी, चंद्रकांत जैन व त्यांच्या पत्नी प्रमिला जैन हे गंभीर जखमी झाले. अपघात इतका भीषण होता मोटारसायकल इको गाडीत जवळपास दोन फूट घुसली आहे. जखमींना स्थानिक नागरिक व फत्तेपूर पोलिस यांच्या मदतीने लगेचच जळगावला उपचारासाठी पाठविले.
