प्रतिनिधी लक्ष्मण पाटील: येथील पिंप्री खुर्द ता. धरणगाव येथे संविधान दिवस उत्साहात साजरा करण्यात आला तसेच 26/11 च्या दहशतवादी हल्ल्यात शहीद झालेल्या हुतात्म्यांना अभिवादन करण्यात आले.
सर्वप्रथम विद्यार्थ्यांना सामूहिक संविधान उद्देशिका वाचन करून कार्यक्रमाची सुरुवात करण्यात आली. संविधान दिनानिमित्त शाळेत वक्तृत्व व निबंध स्पर्धा आयोजित करण्यात आली होती ज्यात विद्यार्थ्यांनी उस्फुर्त सहभाग घेतला.
यावेळी आर.एस. पाटील सर यांनी संविधान विषयावर आपले मनोगत व्यक्त करत आपले हक्क अधिकार, व संविधानिक महत्त्व अधोरेखित केले. याप्रसंगी शाळेच्या मुख्याध्यापिका व्ही.एम. चौधरी मॅम, उपशिक्षक आर.आर. पावरा, एस. के. शिंदे, एस.ए. पवार, जे.एस. पाटील, मनिषा पाटील मॅम आदी उपस्थित होते . आभार पुष्प शरीफ पटेल यांनी गुंफले.
