प्रतिनिधी प्रविण पाटील: जामनेर जिल्ह्यातील आदिवासी भिल्ल समाजासाठी शासनाच्या नियमानुसार प्रत्येक गावात दफनभूमीसाठी जागा उपलब्ध करून द्यावी व ती 7/12 वर नोंद करावी यासह विविध मागण्यांसाठी जळगाव जामनेर येथील प्रांत कार्यालयात एकलव्य संघटनेच्यावतीने निवेदन देण्यात आलं
जळगांव जिह्यातील जळगांव जामनेर येथील विभागीय प्रांतकार्यालय येथे आज एकलव्य संघटनेच्या वतीने आदिवासी भिल समाजासाठी प्रमुख मागण्यांसाठी निवेदन देण्यात आले. १) आदिवासी भिल समाजासाठी शासन जीआर नुसार आदिवासी भिल समाज राहात असलेल्या प्रत्येक गावामध्ये दफनभूमी उपलब्ध करुन आदिवासी भिल समाजदफनभूमी जागा असा उल्लेख करून ७/१२ उताऱ्यावर नोंद करण्यात यावे. २) आदिवासी भिल समाज राहत असलेल्या जागा नावे करून त्यांना घरकुल योजनेचा लाभ मिळावा व ज्या लाभार्थ्यांचे नाव घरकुल यादीत असून त्यांच्या नाव जागा नाही अश्या लाभार्थ्यांना शासन जिआर नुसार जागा उपलब्ध करून देण्यात यावे. ३) आदिवासी भिल समाज कसत असलेल्या वन जमीन व गायरान जमिनीचा ७/१२ उताऱ्यावर नोंद करून मालकी हक्क मिळावा. ४) आदिवासी भिल समाजाला जातीचे प्रमाणपत्र व रेशनकार्ड राजस्व अभियान योजने अंतर्गत घरपोच देण्यात यावे. ५) एकात्मिक आदिवासी विकास प्रकल्प कार्यालय यावल याची उपशाखा जळगांव येथे सुरु करण्यात यावी. ६) शबरी वित्त विकास महामंडळा मार्फत सुशिक्षित बेरोजगार आदिवासी तरुण व महिलांसाठी विविध योजनांचा लाभ दोन ते तीन महिन्याच्या आतच देण्यात यावा. ७) शबरी घरकुल योजनेचा उदिष्ट वाढवून मिळावा असे निवेदन प्रांताधिकारी यांना देण्यात आले.
यावेळी निवेदन देतांना एकलव्य संघटना प्रदेश कार्याध्यक्ष सुधाकरराव वाघ जळगांव जिल्हाध्यक्ष (जळगांव लोकसभा) संजुबाबा सोनवणे जळगांव जिल्हाध्यक्ष (रावेर लोकसभा) निवृत्ती पवार युवा जिल्हाध्यक्ष रविभाऊ सोनवणे अपंग सेल जिल्हाध्यक्ष ऋषीदादा सोनवणे जळगांव तालुकाध्यक्ष मंगल सोनवणे जळगांव महिला आघाडी तालुकाध्यक्ष तथा माजी पंचायत समिती सभापती मिराताई मोरे जळगांव तालुका उपाध्यक्ष तथा सरपंच विटनेर अरुण पवार जामनेर तालुकाध्यक्ष विलास मोरे तालुका उपाध्यक्ष दिपक सोनवणे एरंडोल तालुकाध्यक्ष वाल्मिक सोनवणे पारोळा तालुकाध्यक्ष गणेश गायकवाड धरणगांव तालुकाध्यक्ष संजय पवार जेष्ठ कार्यकर्ते भिवसनबाबा भिल युवा जिल्हा संघटक सुभाष मालचे युवा जिल्हा कार्याध्यक्ष समाधान जाधव एरंडोल युवा तालुकाध्यक्ष जय मोरे एरंडोल तालुकाउपाध्यक्ष राहुल सोनवणे चाळीसगांव तालुकाध्यक्ष मोतीदादा पवार पारोळा व तसेच एकलव्य संघटनेचे प्रमुख कार्यकर्ते चंद्रभान मोरे भानुदास गायकवाड किरण मोरे विनोद मोरे समाधान सोनवणे सुक्राम मोरे अशोक मोरे सचिन सोनवणे प्रविण पवार लक्ष्मण गणेश मोरे ह्यावेळी उपस्थित होते.
