जळगाव : प्रतिनिधी
राज्यातील मुख्यमंत्री एकनाथ शिंदे, उपमुख्यमंत्री देवेद्र फडणवीस यांच्या सोबत उपमुख्यमंत्री पदाची अजित पवारांसह ९ मंत्र्यांनी शपथ घेतली असून आता प्रत्येक जिल्ह्यातील मंत्री मतदार संघात पोहचत असून त्यांचे मोठ्या धडाक्यात स्वागत देखील होत आहे. तर जळगाव जिल्ह्यातील मंत्री अनिल पाटील देखील आज जळगावात दाखल होत अमळनेरला दुपारी पोहचत असतांना त्यांनी थेट पालकमंत्री गुलाबराव पाटील यांच्या निवासस्थानी जात भेट घेतली. यावेळी पालकमंत्री गुलाबराव पाटील यांनी त्यांचे स्वागत करीत शुभेछ्या दिल्या.
नवनियुक्त मंत्री अनिल पाटील हे आज सकाळी ७ वाजेच्या सुमारास जळगाव शहरातील रेल्वे स्थानकावर आले असता त्यांचे शहरातील कार्यकर्त्यांनी जंगी स्वागत करीत अमळनेरला ते ११ वाजता पोहचले तर अमळनेर जात असतांना मंत्री अनिल पाटलांनी पालकमंत्री गुलाबराव पाटील यांच्या निवासस्थानी जात भेट घेतली.
