भुसावळ : प्रतिनिधी
तालुक्यातील खडका ग्रामपंचायतीच्या नवनियुक्त सरपंचांच्या मुलावर औद्योगिक वसाहती परिसरामध्ये रात्री चाकू हल्ला झाला. याप्रकरणात मुलगा जखमी असून त्यावर भुसावळ येथे हिदम रुग्णालयात उपचार सुरू आहेत.
तालुक्यातील खडका गावातील सरपंच यशोदाबाई देविदास तायडे यांचा मुलगा गिरीश याच्यावर चाकूहल्ला झाला आहे. या हल्ल्यात सरपंच यशोदाबाई तायडे यांचा मुलगा गिरीश तायडे हा जखमी झाला आहे. रात्री दहा ते साडेदहा वाजेच्या दरम्यान एमआयडीसी परिसरामध्ये हल्ला झाला आहे. जखमी गिरीश तायडे याच्यावर भुसावळ येथील हिदमा रुग्णालयात दाखल करण्यात आले असून त्याच्यावर उपचार सुरू आहेत. सूत्रांकडून मिळालेल्या माहितीनुसार, गिरीश तायडे यांच्यावर पाच ते सहा ठिकाणी वार झाले आहेत.
