यावल : प्रतिनिधी
भरधाव दुचाकी वाहनासमोर अचानक मोकाट गुरे आल्याने एका तरुणाला आपला जीव गमवावा लागला. ही घटना साकळी ता. यावलनजीक सोमवारी दुपारी घडली.
डिगंबर संजय चौधरी (२५, रा. पंढरीनाथ नगर, जामनेर रोड, भुसावळ) असे मृत तरुणाचे नाव आहे. याप्रकरणी संजय चौधरी यांनी दिलेल्या फिर्यादीवरून यावल पोलिस ठाण्यात गुन्हा दाखल करण्यात आला आहे. पुढील तपास पोलिस निरीक्षक राकेश मानगावकर यांच्या मार्गदर्शनाखाली पोलिस उपनिरीक्षक सुनील मोरे करीत आहेत. मोकाट गुरांचा प्रश्न जीवघेणा ठरत असून गत अनेक वर्षांपासून पालिकांकडून हा प्रश्न गांभीर्याने घेतला जात नाही. लोकांमधून ओरड झाल्यांनतर तात्पुरत्या स्वरूपात कारवाई करण्यात येते. त्यानंतर संबंधित मालकही पुन्हा आपली जनावरे मोकळी सोडत असतात. अनेक ठिकाणी आता कोंडवाडेही दिसून येत नाही.
