जळगाव : प्रतिनिधी
खरेदीखत करताना करारनाम्यावर घरमालकाची बनावट सही न्यायालयात सादर करून फसवणूक केल्याप्रकरणी ६ जणांविरुद्ध शहर पोलिसांत गुन्हा दाखल करण्यात आला आहे.
याबाबत सूत्रांनी दिलेली माहिती अशी कि , संदीप शिवराम गुजर वय ६० रा. दिव्य जीवन वाटिकाश्रम जवळ खोटेनगर जळगाव यांना ९ मे २०२१ ते आतापर्यन्त अनिरुद्ध कुलकर्णी,सुभद्रा अनिरुद्ध कुलकर्णी,अनिकेत अनिरुद्ध कुलकर्णी,रा. शारदा कोणी जळगाव , मिलिंद नारायण सोनवणे रा. नूतन वर्ष कॉलनी जळगाव, मंगल चंपालाल पाटील रा. जळगाव आणि एपी बावसकर रा. शेगाव जिल्हा बुलढाणा या सर्वानी खरेदीखत करताना घरातील भाडेकरू यांना खाली न करून देता करारनाम्यावर फिर्यादीची बनावट सही करून न्यायालयात सादर केल्याने फसवणूक झाल्याची तक्रार संदीप गुजर यांनी दिल्यावरून वरील ६ जणांविरुद्ध शहर पोलीस स्टेशनला गुन्हा दाखल करण्यात आला आहे. तपास पोहेकॉ रवींद्र सोनार करीत आहे.
