जळगाव : प्रतिनिधी
शहरातील एका परिसरातील ४० वर्षीय विवाहितेच्या मुलाला नोकरी लावून देण्याचे आमिष देत एकाने महिलेवर अत्याचार केल्याची घटना घडली असून या प्रकरणी एका विरोधात रामानंद पोलिसात गुन्हा दाखल केला आहे.
मिळालेल्या माहितीनुसार, शहरातील पिंप्राळा परिसरात ४० वर्षीय विवाहिता आपल्या परिवारासह वास्तव्यास आहे. गेल्या एक वर्षापासून भुसावळातील एक इसम या महिलेला तिच्या मुलाला नोकरी लावून देण्यासाठी २ लाख ५० हजार रोकड तर १५ ग्राम वजनाचे सोन्याचे दागिने घेवून महिलेच्या जवळीक साधत तिच्या मर्जीविरोधात अत्याचार केला आहे व हि घटना जर कुणाला सांगितल्यास तुझ्या मुलाला नोकरी लावून देणार नाही अशी देखील धमकी दिल्या प्रकरणी भुसावळातील एका विरोधात बलात्काराचा गुन्हा दाखल करण्यात आला आहे. पुढील तपास पोउनी.गोपाल देशमुख हे करीत आहेत.
