भुसावळ : प्रतिनिधी
जळगाव जिल्ह्यात गेल्या काही दिवसापासून अवैध गुटखा मोठ्या प्रमाणात विकला जात आहे. याचीच कुणकुण पोलिसांना लागल्याने भुसावळ शहरातील एका पान सेंटरमधून लाखो रुपयांचा गुटखा जप्त करण्यात आला आहे.
मिळालेली माहिती अशी कि, भुसावळ शहरातील वसंत टॉकीज जवळील गायत्री पान सेंटरमधून राज्यात प्रतिबंधीत गुटखा जप्त करण्यात आल्याने गुटखा तस्करांच्या गोटात प्रचंड खळबळ उडाली आहे. पोलिसांनी दोन दुकाने व घरून सुध्दा सुमारे दोन लाखांचा गुटखा जप्त केला असून शहर पोलिसात या प्रकरणी गुन्हा दाखल करण्यात आला आहे. गायत्री पान सेंटरवर गुटखा विक्री होत असल्याची गुप्त माहिती एलसीबी पोलिस निरीक्षक किसन नजन पाटील यांना मिळाल्याने त्यांनी एलसीबी कर्मचार्‍यांचे पथक मिळालेल्या माहितीची खात्री करण्यासाठी पाठविले असता गायत्री पान सेंटरवर गुटखा, रजनीगंधा आदी पॅकेट मिळाले. जळगाव रोडवरील दुकानात सुध्दा पोलिसांना गुटखा मिळाला. पोलिसांनी सर्व गुटखा जप्त करून शहर पोलिस ठाण्यात आणला. तेथे जप्त केलेल्या गुटख्याची मोजणी होत होती. रात्री उशीरापर्यत ही प्रक्रीया सुरू होती. सुमारे दोन लाख रूपये किंमतीचा हा गुटखा असल्याची माहिती आहे.
