भुसावळ : प्रतिनिधी
शहरातील वेडीमाता मंदिराजवळील खळवाडी परिसरामध्ये एका तीस वर्षीय तरुणाने गळफास घेऊन आत्महत्या केल्याची घटना शुक्रवारी घडली. आत्महत्याचे कारण अस्पष्ट असून महेंद्र कोळी (वय ३०, रा. खळवाडी वेडी माता मंदिराजवळ) असे मयताचे नाव आहे.
महेंद्र कोळी याने घरात कोणी नसताना छताला दोरीने गळफास घेत जीवनयात्रा संपवली. शहर पोलिसांनी माहिती मिळाल्यानंतर धाव घेत पंचनामा केला. याप्रकरणी मयताच्या चुलत भावाने दिलेल्या माहितीवरून अकस्मात मृत्यूची नोंद केली.
