अहमदाबाद : वृत्तसंस्था
पंतप्रधान नरेंद्र मोदी यांच्या मातोश्री हिराबेन यांची प्रकृती अचानक बिघडली आहे. हिराबेन यांना मंगळवारी रात्री अहमदाबादमधील यू. एन. मेहता रुग्णालयात दाखल करण्यात आले. हिराबेन यांना नियमित तपासणीसाठी रुग्णालयात नेण्यात आल्याचे प्राथमिक वृत्त आहे.
गुजरात निवडणुकीच्या मतदानादरम्यान ४ डिसेंबर रोजी पंतप्रधान मोदींनी त्यांच्या मातोश्री हिराबेन यांची गांधीनगरमध्ये भेट घेतली. यावेळी त्यांनी आईच्या चरणांना स्पर्श करून आशीर्वाद घेतले आणि त्यांच्यासोबत बसून चहा प्यायला. गुजरात निवडणुकीपूर्वी १८ जून रोजी मोदींनी त्यांच्या १०० व्या वाढदिवसानिमित्त त्यांच्या आईची भेट घेतली होती.
