

बीड : वृत्तसंस्था
जुनी दुचाकी खरेदीसाठी नांदगाव (ता. वाशी, जि. धाराशिव) येथून बीडच्या वानगाव येथे आलेल्या २ तरुणांना चोरी केल्याचा आरोप करत ट्रॅक्टरला बांधून पाइपाने मारहाण केली. यात संभाजी विश्वनाथ सारुक (३८) यांचा मृत्यू झाला, तर हर्ष विकास जाधवर हा तरुण जखमी झाला. याप्रकरणी ५ जणांविरुद्ध नेकनूर पोलिसांत खुनाचा गुन्हा दाखल करत दोघांना अटक केली.
हे दोघे रविवारी दुपारी मुकादम अशोक कागदे याची जुनी दुचाकी खरेदीसाठी वानगावला आले होते. दुचाकी पाहण्यासाठी अशोकने दोघांना घरी पाठवले. तिथे पवन रोमण व अन्य आरोपींनी संभाजी व हर्षवर ५० हजार रुपये व मोबाइल चोरीचा आरोप करत मारहाण केली. संभाजीला पाइपाच्या साहाय्याने ट्रॅक्टरच्या नांगराला, तर हर्षला ट्रॅक्टरच्या बारपट्टीला बांधून पाचही जणांनी बेदम मारहाण केली. यानंतर आरोपींनी पळ काढला.
संभाजी बेशुद्ध झाल्यानंतर संशयित निघून गेले. हर्षने संभाजीच्या मोबाइलवरून आई अनिताला फोन करून घडलेला प्रकार सांगितला. एक तासानंतर हर्षचे कुटुंबीय घटनास्थळी पोहोचले. त्यांनी दोघांची सुटका करून त्यांना तेरखेडा (जि. धाराशिव) येथील आरोग्य केंद्रात दाखल केले. त्यानंतर येरमाळा पोलिसांनी सोमवारी पहाटे नेकनूर पोलिसांना ही माहिती दिली. मृत संभाजी सारुक



