धरणगाव : प्रतिनिधी
येथील आदिशक्ती भवानी माता मंदिर परिसरात आगामी नवरात्रोत्सवाच्या पावन पर्वाचे औचित्य साधून नुकतीच एक भव्य स्वच्छता मोहीम व सुशोभीकरण उपक्रम पार पडला. या उपक्रमात मंदिराकडे जाणारा मुख्य रस्ता पूर्णपणे स्वच्छ करून सुंदर व नयनरम्य रांगोळ्यांच्या माध्यमातून मंदिर परिसर अतिशय आकर्षक, प्रसन्न व पवित्र करण्यात आला आहे.
महाराष्ट्र राज्याचे पाणीपुरवठा व स्वच्छता मंत्री मा. ना. श्री .गुलाबरावजी पाटील, युवा नेते श्री. प्रतापराव पाटील व नगरसेवक श्री. पप्पू भाऊ भावे यांच्या मार्गदर्शनाखाली आणि सामाजिक व धार्मिक सेवेची परंपरा जपत सामाजिक कार्यकर्ते किरण भाऊ महाजन व देश प्रेमी महिला मंडळ यांच्या संपूर्ण टीमच्या वतीने हा अत्यंत स्तुत्य उपक्रम हाती घेण्यात आला. या मोहिमेअंतर्गत मंदिराकडे जाणारा मुख्य मार्ग आणि आजूबाजूचा संपूर्ण परिसर स्वच्छता करून चकाचक करण्यात आला.
