भुसावळ : प्रतिनिधी
मध्य रेल्वेच्या भुसावळ विभागात ‘फोर्ट्रेस तिकीट तपासणी अभियान’ राबविण्यात आले. त्यात ६०१ विनातिकीट प्रवाशांवर कारवाई करण्यात आली. त्यात चार लाख ३० हजार रुपयांचा दंड वसूल करण्यात आला. या विशेष अभियानांतर्गत विभागातील भुसावळ, जळगाव, नाशिकरोड, मनमाड, खंडवा, अकोला, बडनेरा आणि अमरावती या आठ प्रमुख स्थानकांवर एकाच वेळी तपासणी मोहीम राबविण्यात आली.
या मोहिमेत एकूण ६० तिकीट तपासणी कर्मचारी आणि ९ रेल्वे सुरक्षा दलाचे जवान सहभागी झाले होते. अभियानादरम्यान मोठ्या प्रमाणावर कारवाई करण्यात आली. एकूण ६०१ प्रकरणांमध्ये विनातिकीट किंवा अनियमित प्रवास करणाऱ्यांविरुद्ध कारवाई करून ४,३०,३३० इतका दंड वसूल करण्यात आला. याशिवाय रेल्वे कायद्याच्या कलम १४५ (बी) व १६७ अंतर्गत १७प्रकरणे नोंदवून त्यातून २,५०० इतका आकारण्यात दंड आला. तसेच स्थानक परिसरात अनधिकृतपणे व्यवसाय करणाऱ्या विक्रेत्यांवरही कारवाई करण्यात आली. अशा १२ विक्रेत्यांविरुद्ध नियमानुसार प्रकरणे दाखल करून रेल्वे प्रशासनाने शिस्तीचा संदेश दिला.
