जळगाव : प्रतिनिधी
क्रांतीसूर्य महात्मा ज्योतिबा फुले यांच्या १९९ व्या जयंतीनिमित्त (११ एप्रिल १८२७) आणि बोधिसत्व भारतरत्न डॉ. बाबासाहेब आंबेडकर यांच्या जयंतीच्या पूर्वसंध्येला, सारा फाउंडेशन व भीमकन्या ग्रुप वाघ नगर, जळगाव यांच्या संयुक्त विद्यमाने शनिवार, दिनांक ११ एप्रिल २०२६ रोजी मोफत आरोग्य शिबिराचे आयोजन करण्यात आले होते. या शिबिरात स्थानिक नागरिकांना आरोग्य तपासणी व होमिओपॅथी औषधे मोफत उपलब्ध करून देण्यात आली.
शिबिरात चामुंडा माता रुग्णालय, जळगाव येथील अनुभवी डॉक्टरांच्या टीमने सेवा प्रदान केली. डॉ. जयेश वाल्हे, डॉ. सिद्धेश्वर पाटील, डॉ. अमिता श्रीवास्तव, डॉ. स्वाती सोनवणे व त्यांच्या सहकाऱ्यांनी रुग्णांची तपासणी केली आणि आवश्यक होमिओपॅथी औषधे मोफत वाटप केली. शिबिरात मोठ्या संख्येने नागरिकांनी उपस्थिती दाखवून लाभ घेतला.
या कार्यक्रमाला आमदार राजू मामा भोळे, नगरसेवक अनिलभाऊ अडकमोल, चिटणीस भूषण लाडवंजारी, पदवीधर प्रकोष्ठ अध्यक्ष शिरीष तायडे सारा फाउंडेशनच्या वतीने: अध्यक्ष डॉ. चंद्रकांत भालेराव उपाध्यक्ष सौ. सुरेखा चंद्रकांत भालेराव, डॉ. सागर चंद्रकांत भालेराव, इतर मान्यवर:, साहित्यिक जयसिंग वाघ, दिलीप तासखेडकर, प्रितम शिरतुरे, डी. एच. भास्कर, विनोद सपकाळे, बापू साळुंके, प्राध्यापक अशोक हनवते, अरविंद बिऱ्हाडे, वसंत जावळे, चंद्रशेखर ओतारी, मिलिंद वाल्हे, अरविंद बाविस्कर, राहुल भालेराव, भीमकन्या ग्रुपच्या वतीने: साधनाताई बाविस्कर, विशाखा हनवते, ज्योती सूरदास, संगीता सपकाळे, स्वाती मेढे, ज्योती लोखंडे, दिपाली सपकाळे, शितल अहिरे, अलका तायडे, माधुरी वाघ, कार्यक्रमाचे सूत्रसंचालन श्री. वांद्रे सर यांनी केले. सर्वांच्या सहकार्याने कार्यक्रम अतिशय यशस्वीरीत्या पार पडला.
फुले-आंबेडकर विचारांचा प्रसार करणाऱ्या या प्रकारच्या कार्यक्रमांमध्ये आरोग्य सेवा ही सामाजिक न्यायाची एक महत्त्वाची बाजू आहे. सारा फाउंडेशन व भीमकन्या ग्रुपने केलेले हे कार्य समाजातील गरजू वर्गासाठी प्रेरणादायी ठरले. उपस्थित मान्यवरांनी अशा सामाजिक उपक्रमांना पाठबळ देण्याचे आवाहन केले.
