रावेर : प्रतिनिधी
मोठे वाघोदा येथे पायी चालत असलेल्या युवकाला भरधाव मोटारसायकले धडक दिली या अपघातात त्याचा जागीच मृत्यू झाला. ही घटना रविवारी सायंकाळी घडली. मृताचे नाव उदय प्रभाकर पाटील (वय ४४, रा. मोठे वाघोदा, ता. रावेर) असे आहे.
उदय पाटील सोमवारी रस्त्यावर वाघोदा-सावदा हॉटेलजवळ फेरफटका मारत असताना मोटारसायकने (एमएच १९ एबी ८४१०) जोरदार धडक दिली. यात त्यांच्या डोक्याला गंभीर दुखापत होऊन त्यांचा जागीच मृत्यू झाला. नागरिकांनी सावदा ग्रामीण रुग्णालयात दाखल केले. मात्र वैद्यकीय अधिकाऱ्यांनी मृत घोषित केले.
या प्रकरणी हर्षल प्रभाकर महाजन (वय ३७, रा. वाघोदा बुद्रुक) यांनी सावदा पोलिस ठाण्यात फिर्याद दिली आहे. फिर्यादीनुसार मोटारसायकल चालक संजय बावस्कर (रा. रोझोदा, ता. रावेर) यांच्यावर गुन्हा दाखल केला आहे. या अपघतात मोटारसायकलस्वारही जखमी असून. त्याच्यावर खासगी रुग्णालयात उपचार सुरू आहेत. उदय पाटील यांच्या पश्चात आई-वडील, पत्नी, मुलगा, मुलगी असा परिवार आहे.
