विजय पाटील : जळगाव शहर महानगरपालिका निवडणुकीचे रणधुमाळी सुरू झाली असून आज अखेर शेवटच्या दिवशी अनेक दिग्गजांनी मैदानात उडी घेतली आहे त्यात प्रभाग क्रमांक 9 ड चे भाजपचे उमेदवार डॉ चंद्रशेखर पाटील यांनी देखील आपला उमेदवारी अर्ज दाखल केला आहे.
जळगाव शहर महानगरपालिकेच्या प्रभाग क्रमांक ९ ड मध्ये माजी नगरसेवक तथा तरुण तडफदार उमेदवार डॉ. चंद्रशेखर पाटील यांनी आज भारतीय जनता पक्षातर्फे आपला उमेदवारी अर्ज दाखल केला आहे त्यामुळे प्रभागात नवचैतन्याचे वातावरण निर्माण झाले आहे.
विकास कामे करणाऱ्या चेहऱ्याला पुन्हा संधी
प्रभाग क्रमांक 9 मध्ये गेल्या पंचवार्षिक निवडणुकीत बाजी मारलेले डॉ. चंद्रशेखर पाटील यांनी पाच वर्षात केलेल्या कामाच्या जोरावर पक्षाने पुन्हा एकदा त्यांना संधी दिली आहे त्यामुळे प्रभागातील विकासाचे व्हिजन मांडण्यासाठी डॉक्टर चंद्रशेखर पाटील सज्ज झाले आहे.
