लाईव्ह महाराष्ट्र न्यूज: पती-पत्नीच्या कौटुंबिक वादात दाखल असलेल्या गुन्ह्यात मदत करण्यासाठी 4 हजार रूपयांची लाच स्वीकारतांना येथील सहायक फौजदारासह पोलीस कर्मचार्याला लाचलुचपत प्रतिबंधक खात्याच्या पथकाने मंगळवारी 28 जून रोजी सायंकाळी 7 वाजेच्या सुमारास रंगेहात पकडल्याने खळबळ उडाली आहे. याबाबत चाळीसगाव शहर पोलीस ठाण्यात गुन्हा दाखल करत आला आहे
या संदर्भात वृत्त असे की, एका ५५ वर्षाच्या व्यक्तीच्या मुलीला विवाहानंतर सासरी त्रास होत होता. यामुळे तिने सासरच्या मंडळीच्या विरोधात गुन्हा दाखल केला होता. या खटल्यात आम्ही मदत करून यासाठी तिच्या वडिलांकडे सहायक फौजदार अनिल रामचंद्र अहिरे आणि पोलीस नाईक शैलेश आत्माराम पाटील यांनी 5 हजार रूपयांची लाच मागितली होती. तडजोडीनंतर 4 हजार रूपये देण्याचे ठरले. तर या प्रकरणी संबंधीत व्यक्तीने अँटी करप्शन ब्युरोकडे तक्रार केली. यानुसार एसीबीच्या पथकाने आज सापळा रचला.
या सापळ्यात अनिल रामचंद्र अहीरे, वय-५२, सहा.फौजदार, नेम-चाळीसगाव शहर पोलीस स्टेशन वर्ग-३ रा.वैष्णवी पार्क, चाळीसगांव. ता.चाळीसगाव आणि शैलेष आत्माराम पाटील, वय-३८,पोलीस नाईक, नेम-चाळीसगाव शहर पोलीस स्टेशन वर्ग-३ यांना लाच घेतांना अटक करण्यात आली.
