पाचोरा : प्रतिनिधी
महिला घरात एकटीच असल्याची संधी साधत निर्वस्त्र अवस्थेत महिलेच्या घरात शिरला. त्यानंतर महिलेसोबत अश्लिल वर्तन करीत तिचा विनयभंग केला. ही घटना शहरातील एका भागात घडली. याप्रकरणी संशयित रामभाऊ माधव पाटील (रा. चितामणी कॉलनी, पाचोरा) याच्याविरुद्ध पाचोरा पोलिस ठाण्यात गुन्हा दाखल करण्यात आला आहे.
सविस्तर वृत्त असे कि, शहरातील एका भागात पिडीत महिला वास्तव्यास असून दि. २६ रोजी त्यांचे पती ड्युटीवर गेले होते. त्यामुळे पीडित महिला घरी एकटीच असल्याची संधी साधत संशयित रामभाऊ माधव पाटील हा अचानक निर्वस्त्र अवस्थेत महिलेच्या घरात शिरला. त्याने महिलेसोबत अश्लिल वर्तन करीत तिचा विनयभंग केला. घाबरलेल्या महिलेने आरडाओरड केल्याने परिसरातील नागरिक महिलेच्या घराकडे आले. त्यांना देखील संशयिताने मारहाण करण्याचा प्रयत्न केला. पीडित महिलेने पाचोरा पोलिस ठाण्यात धाव घेत तक्रार दाखल केली. याप्रकरणी संशयिताविरुद्ध विनयभंगाचा गुन्हा दाखल करण्यात आला आहे
