जळगाव : प्रतिनिधी
अज्ञात वाहनाने जोरदार धडक दिल्यामुळे विकास अमृतकर हे दुचाकीस्वार गंभीर जखमी झाले. हा अपघात शनिवारी (३१ मे) रात्री प्रभात चौक उड्डाणपुलावर झाला. जखमीवर शासकीय वैद्यकीय महाविद्यालय व रुग्णालयात उपचार सुरु आहेत.
सविस्तर वृत्त असे कि, शिवकॉलनीकडून आकाशवाणी चौकाकडे दुचाकीवरून (क्र. एमएच ४१, झेड ९९११) विकास अमृतकर जात होते. यावेळी मागून भरधाव वेगाने येणाऱ्या वाहनाने त्यांना जोरदार धडक दिली. यात दुचाकीस्वार रस्त्याच्या दुसऱ्या बाजूला फेकले गेल्याने त्यांच्या डोक्याला गंभीर दुखापत झाली. या विषयी जिल्हापेठ पोलिसांना माहिती देण्यात आली. पोलिसांनी जखमीस शासकीय वैद्यकीय महाविद्यालय व रुग्णालयात दाखल केले.
