जामनेर प्रतिनिधी । याची युती त्याची युती, काहीही कारण सांगायची आणि आपली पुंगी वाजवायचे काम खडसे करत आहे. तुमच्या मनगटात जोर असेल तर निवडून दाखवा, असा समाचार माजी मंत्री आमदार गिरीष महाजन यांनी घेतला आहे. जामनेरात आज महावितरण विरोधात महामोर्चा काढण्यात आला त्यावेळ आ. महाजन बोलत होते.
बोदवड येथील अत्यंत चुरशीच्या झालेल्या बोदवड नगरपंचायतीच्या निकालात शिवसेनेने मुसंडी मारली. नऊ जागांवर विजय मिळवत शिवसेनेने बोदवड नगरपंचायत ताब्यात घेतली. राष्ट्रवादी एकनाथ खडसे यांना हा आपल्याच होमपीचवर जबर धक्का मानला जात आहे. राष्ट्रवादीच्या वाट्याला ७ जागा आल्या, तर भाजपाला अवघी एक जागा मिळवता आली. ईश्वरचिठ्ठीने ही जागा भाजपाकडे आली. त्याठिकाणी राष्ट्रवादी काँग्रेसच्या उमेदवाराचा पराभव झाला.
शिवसेन आणि भाजपाची छुपी युती होती असा आरोप एकनाथ खडसे यांनी काही दिवसांपुर्वी केला होता. याला प्रतित्युत्तर म्हणून माजी मंत्री गिरीष महाजन म्हणाले की, याची युती त्याची युती, काहीही कारण सांगायची आणि आपली पुंगी वाजवायचे काम खडसे करत आहे. तुमच्या मनगटात जोर असेल तर निवडून दाखवा, अस वक्तव्य करून माजी मंत्री एकनाथ खडसे यांचा चांगलाच समाचार घेतला.
