प्रतिनिधी प्रविण पाटील। माजी पालकमंत्री तथा जळगाव जिल्हा मध्यवर्ती सहकारी बँकेचे चेअरमन गुलाबराव देवकर यांच्या वाढदिवसानिमित्त तालुक्यातील वावडदा येथे गुरूवार २० जानेवारी रोजी सकाळी १० वाजता रूग्णवाहिकेचे लोकार्पण सोहळा आयोजित करण्यात आला आहे.
यावेळी युवा नेते विशाल देवकर, मजदुर फेडरेशनचे सभापती लिलाधर तायडे, राष्ट्रवादी जिल्हा उपाध्यक्ष वाल्मिक पाटील व अजय सोनवणे यांची उपस्थिती राहणार आहे. या कार्यक्रमासाठी राष्ट्रवादी काँग्रेसचे सर्व पदाधिकारी तसेच परिसरातील महाविकास आघाडीतील सर्व मित्र पक्षांचे कार्यकर्ते यांनी उपस्थित रहाण्याचे आवाहन राष्ट्रवादी काँग्रेसचे तालुकाध्यक्ष बापूसाहेब परदेशी यांनी केले आहे. या रुग्णवाहिका लोकार्पण सोहळा कार्यक्रमाचे आयोजन वावडदा सरपंच व राष्ट्रवादी काँग्रेसचे तालुका उपाध्यक्ष राजेश वाडेकर यांनी केले आहे. सर्व उपस्थित रहाणाऱ्या कार्यकर्त्यांनी कोरोना नियमांचे काटेकोर पालन करावे असे आवाहन आयोजकांनी केले आहे.
