लाईव्ह महाराष्ट्र न्यूज : राष्ट्रवादी काँग्रेस पक्ष केवळ तीन जिल्ह्यापुरताच मर्यादीत असल्याची टिका करणाऱ्या विरोधीपक्ष नेते देवेंद्र फडणवीस यांनी केली होती. यावर फडणवीसांना शरद पवारच काशीचा घाट दाखवतील अशा इशारात राष्ट्रवादी प्रवक्ते नवाब मलिक यांनी दिला आहे.
शरद पवार यांचा राष्ट्रवादी पक्ष हा केवळ पश्चिम महाराष्ट्रातील साडेतीन जिल्ह्यांपुरताच मर्यादित आहे. पक्षाचं नाव राष्ट्रवादी ठेवलं म्हणून त्यांचा पक्ष राष्ट्रवादी होत नाही. शरद पवार यांचा पक्ष असा आहे, ‘पानी तेरा रंग कैसा, जिस मे मिलाए उसके जैसा’. ते कधी सपाशी संवाद साधतात, कधी तृणमूल काँग्रेसशी बोलणी करतात. त्याच्या पक्षाचे अस्तित्व राष्ट्रीय नाही, त्यांच्याकडे राष्ट्रीय विचारही नाही. नाव राष्ट्रवादी काँग्रेस असलं तरी तो पश्चिम महाराष्ट्रापुरता मर्यादित असलेला पक्ष आहे, असे देवेंद्र फडणवीस म्हणाले होते.
शरद पवार हे मुख्यमंत्री असताना फडणवीस कधी विधानसभेत सदस्य म्हणूनही निवडून आले नाहीत. कालपर्यंत राज्यात २५ ते ३० जागा निवडून येत होत्या , ते आता पवार यांच्याबाबत भाष्य करत आहेत. याअगोदरही पवार यांच्यावर फडणवीस भाष्य करत होते. त्यावेळी काय झाले? अशी आठवणही नवाब मलिक यांनी फडणवीस यांना करून दिली.
