धरणगाव : प्रतिनिधी
जळगाव रोडवरील धरणगाव महाविद्यालयासमोरील प्रवासी शेडमध्ये शुक्रवारी सकाळी अनोळखी व्यक्तीचा मृतदेह आढळून आला.
मिळालेल्या माहितीनुसार, शुक्रवारी सकाळी १० वाजेच्या सुमारास धरणगाव महाविद्यालयासमोर असलेल्या प्रवासी निवारा शेडमध्ये काही विद्यार्थ्यांना हा अज्ञाताचा मृतदेह आढळून आला. विद्यार्थ्यांनी घटनेची माहिती पोलिसांना दिली. त्यानंतर पोलिस निरीक्षक उद्धव डमाळे यांच्या मार्गदर्शनाखाली पोलिसांचे पथक घटनास्थळी पोहचले. दरम्यान, मयत व्यक्तीची ओळख अद्याप पटलेली नाही. मयत व्यक्ती याठिकाणी कसा आला आणि त्याचा मृत्यू कशामुळे झाला, याचा अद्यापही उलगडा झालेला नाही.
