प्रतिनिधी शशिकांत वारुळकर । जावेद हबीब याच्या तीव्र निषेध व्यक्त करत त्याच्यावर दंडात्मक कारवाई करावी अशी मागणीचे निवेदन बुधवारी १२ जानेवारी रोजी सकाळी ११ वाजता महाराष्ट्र नाभिक महामंडळाच्या वतीने यावल तहसीलदार यांना निवेदन देण्यात आले.
नाभीक बांधवांनी दिलेल्या निवेदनात म्हटले आहे की, जिल्ह्यात व राज्यात एकीकडे १२ जानेवारी रोजी राजमाता जिजाऊ माँसाहेबांचे ४२४ वी जयंती साजरी करण्यात येत आहे तर दुसरीकडे जावेद हबीब नावाचा समाजकंटकांचे केस रचनेचे प्रात्यक्षिक दाखवतानाचे काही व्हिडिओ समाज माध्यमांमध्ये व्हायरल होत आहे, अशा प्रकारे स्त्रियांच्या डोक्यावर थुंकून नराधम संपूर्ण स्त्री जातीचा अपमान करत आहे या घटनेचा सर्व नाभिक समाज बांधव तीव्र शब्दात निषेध करत आहे. अश्या जावेद हबीबवर दंडात्मक कारवाई करण्यात यावी अशी मागणीचे निवेदन यावल येथील महाराष्ट्र नाभिक महामंडळाच्या वतीने यावल तहसीलदारांना निवेदन देण्यात आले
याप्रसंगी महाराष्ट्र नाभिक महामंडळ अध्यक्ष शशिकांत वारुळकर, उपाध्यक्ष योगेश वारुळकर , सचिव तुषार सावखेडकर, रणजित भाऊ ठाकरे, मनोज चौधरी, गुणेश वारुळकर, राहुल चौधरी, रुपेश चौधरी, रितेश निबाळकर, राहुल सावखेडकर, सचिन बर्डे, रवींद्र गायकवाड, अमोल अमोदकर, निलेश सोनवणे, सतिश सावखेडकर, लखन चौधरी, नारायण वारुळकर, युवराज हातकर, अनिकेत सोनवणे इत्यादी जण उपस्थित होते.
